Семинардың басты мақсаты – қала және Абай облысы мектептерінің басшыларын білім беру ұйымында қауіпсіз, инклюзивті және тұлғалық дамуға бағытталған дамытушы ортаны құрудың тиімді басқарушылық және педагогикалық технологияларымен таныстыру, сондай-ақ оларды мектептің стратегиялық дамуында қолдану мүмкіндіктерін айқындау.
🔹 Міндеттері:
• Дамытушы білім беру ортасын қалыптастырудың заманауи талаптары мен нормативтік негіздерін талдау;
• Мектеп басқару жүйесінде дамытушы ортаны құрудың тиімді модельдері мен технологияларын қарастыру;
• Оқушылардың оқу жетістіктері мен психологиялық жайлылығын арттыруға бағытталған орта қалыптастыру жолдарын анықтау және қолдайтын басқарушылық шешімдерді айқындау;
• Білім беру ұйымдарының тәжірибе алмасуы мен көшбасшылық әлеуетін дамытуға жағдай жасау.
Семинар барысында қатысушылар тәжірибе алмасып, заманауи білім беру кеңістігін ұйымдастырудың тиімді жолдарын талқылады.