"2026 жылдың 5 Наурыз күні мектебімізде оқушыларға болашақ мамандықты дұрыс таңдауға бағыт беру мақсатында 9-сынып оқушыларына арналған кәсіби бағдар беру кездесуі ұйымдастырылды. Кездесуге «Қызмет көрсету саласы» және «Рымбек Байсейітов атындағы қаржы-экономикалық жоғары колледжі» оқытушылары арнайы келіп, өз оқу орындары туралы жан-жақты ақпарат берді. Іс-шара барысында оқытушылар колледждерде оқытылатын мамандықтар, оқу шарттары, қабылдау талаптары, оқу мерзімі және студенттерге жасалатын мүмкіндіктер туралы түсіндірді. Сонымен қатар, қазіргі еңбек нарығында сұранысқа ие мамандықтар туралы ақпарат берді. Кездесу барысында оқушылар мамандық таңдау жөнінде пайдалы ақпарат алып, өздерінің болашақ мамандығы туралы ой қалыптастыруға мүмкіндік алды. Мұндай кәсіби бағдар беру жұмыстары оқушылардың саналы түрде мамандық таңдауына және болашақ өмір жолын анықтауына үлкен септігін тигізеді."